طريقة تحضير تورتيلا فاهيتا الدجاج من المطبخ المكسيكي
طريقة التحضير
نجيب صدور دجاج ونقطعها مكعبات صغيره ونتبلها بـ ليمون وشوي خل وزيت وبهارات الفاهيتا ماعندي بهارات
الفاهيتا .. راح اكتب لكم وش حطيت : ( (٢ ملعقة صغيرة فلفل اسود , ملعقة كبيرة كمون , ملعقة صغيرة قرفة , ملعقة
صغيرة كزبرة جافة ,نصف
ملعقة صغيرة هيل , ملعقة صغيرة بودرة البابريكا ,ملعقة صغيرة بودرة الفلفل الاحمر الحار ,ملعقة صغيرة بودرة الثوم ,
ملعقة صغيرة بودرة البصل الجاف اذا توفر ) كلها مطحونة ثمن نخلطها مع بعض ونستخدم منها الكميّه المرغوبه .
ونحطها بالثلاجه اقل شي ساعه واذا مستعجله عادي على طول
نجيب التاوه ونحمس فيها بصل شرائح رفيعه + ثوم مفروم ونرفع النار عشان نبي البصل والفلفل يذبل شوي بس مو مره
يكون فيها قرمشه وبعدين نضيف فلفل أخضر حار مقطع شرائح رفيعه + فلفل ألوان ( احمر + اصفر + اخضر )
ونضيف عليهم ملعقة صغيرة من البهارات الفاهيتا المشكله اللي كتبتها فوق وبعدين نحطها بصحن بدون مانغطيها ونخليها
على جنب وبنفس التاوه نحط الدجاج ولازم النار عاليه والتاوه مره حاره عشان الدجاج يتحمر بسرعه بدون ماتنزل منه
مويه ويطلع طعمه كأنه مسلوق انتبهو على هالنقطه ونجلس نشوح فيه لين يكتسب لون احمر خفيف وبعدين نحط عليه
الحمسه اللي على جنب ونخليهم يكملون استواء وبعدين نضيف عليهم بطاطس مكعبات مقلي + كريمة طبخ + جبن سايل
+ موزيلا اللي تجي بالوزن نبشر فوقهم على حسب الرغبه وبعدين اذا تسبكو مع بعض نطفي النار ونضيف شوي
بقدونس + كزبره مفرومه وبس ونحشيها جوا التورتيلا ونبرمها زي الرول واذا حابين زي الكاساديا تنفع
الصوص
( كاتشاب + فلفل حار مجروش + ملعقة صغيرة شطة تباسكو + شوي مايونيز بالثوم + شوي خردل ) هذا الصوص
اختياري زيدي ونقّصي بالمقادير على حسب رغبتك
وبالعافية عليكم
ليست هناك تعليقات:
إرسال تعليق